30 июля 2016 г.
Çак кунсенче Елчĕкри историпе тăван тавралăх музейĕ паха экспонатсемпе пуянланчĕ.
СССР халăх учителĕ Петр Чернов Елчĕк ялĕнче çуралса ÿснĕ Ефимовсен кун-çулĕпе паллаштаракан материалсем парнелерĕ. А.Е.Ефимов, В.А.Ефимов, В.А.Ефимова - Елчĕк ялĕнче çуралса ÿснĕ.
А.Ефимов - çар çынни, подполковник, çар летчикĕ пулнă. Унăн ывăлĕ те, Владимир, ашшĕ пекех летчик пулнă. Хĕрĕ, Валентина, наука çынни, вăл Хусанти архитектурăпа строительство академийĕнче аслă преподаватель пулса ĕçленĕ. Вĕсен сăн ÿкерчĕкĕсем, ĕçри çитĕнĕвĕсене çирĕплетекен документсем, наградисем малашне музейра упранĕç.
Ефимовсене хăйсем ыйтнипе Елчĕкрех пытарнă.
С.СТЕПАНОВА.
Источник: "Елчĕк Ен"