03 февраля 2016 г.
Районта çирĕп йăлана кĕнĕ «Хавхалану çăлкуçĕсем» смотр-конкурс пуçланнă.
Хальлĕхе юрă-ташă уявĕ Çирĕклĕ Шăхаль, Аслă Таяпа ялĕсенче иртнĕ. Кăçал смотр-конкурса Кино тата Ĕç çыннин çулталăкне халалланă.
Çакна палăртма кăмăллă: конкурса çамрăксемпе пĕрле шкул ачисемпе аслă ăру çыннисем те йышлăн хутшăнаççĕ. Калăпăр, Хăвăлçырмари 80 çулхи Исония Волкова «Çĕмĕрт, çĕмĕрт» юрра шăрантарнине куракансем тăвăллăн алă çупса йышăннă. Ĕлĕкхи кинокартинăсенчи юрăсене итлеме уйрăмах кăмăллă пулнине пĕлтереççĕ куракансем.
Источник: "Елчĕк Ен"