19 декабря 2015 г.
Лаш Таяпари культработниксем ял халăхне интереслĕ мероприятисем йĕркелессишĕн нумай тăрăшаççĕ.
Анчах та чылай чухне пиртен çеç килекен тăрăшулăх çитеймест çав. Уявсем йĕркелеме, концертпа тухса çÿреме е культура çуртне çĕнетме укçа-тенкĕ, транспорт кирлĕ. Кун пек чухне пире ялти ырă кăмăллă çынсем пулăшу аллине тăсаççĕ. Ял-йыш хисепне тивĕçлипе çĕнсе илнĕ В.Меметов, В.Ершов уйрăм предпринимательсем пирĕн çивĕч ыйтусене татса парассинчен пăрăнса юлмаççĕ. Нумаях пулмасть вĕсем культура çуртĕнчи пÿлĕме юсама строительство материалĕсем парса пулăшрĕç. А.Васильева штукатур-маляр вара стенасене çĕнĕ тĕс кĕртрĕ.
Ырă çынсем пулăшнипе культура çурчĕ çĕнелсе, илемленсе пырать.
З.КНЯЗЕВА.
Источник: "Елчĕк Ен"