16 декабря 2015 г.
Республикăра драма коллективĕсемпе халăх театрĕсем хушшинче ирттернĕ «Мухтав ахрăмĕ» фестивале пĕтĕмлетнĕ.
Елчĕкри халăх театрĕ лартнă /режиссерĕ Вера Панкратова/ Г.Терентьевăн «Ют çын» спектаклĕ «Чи лайăх спектакль», «Чи лайăх режиссер ĕçĕ» номинацисенче, çак спектакльти Кĕçĕн Игнат рольне вылянă Сергей Баранов «Чи лайăх дебют» номинацире иккĕмĕш степеньлĕ дипломсене тивĕçнĕ. Çавăн пекех Курнавăшри «Палан» театр коллективĕ /ертÿçи Ольга Шмелева/ лартнă Н.Терентьевăн «Куккук çаплах авăтать» спектакль «Чи лайăх спектакль» номинацире виççĕмĕш, «Чи лайăх эпизод ролĕ» номинацире Татьяна Мясникова, автор рольне вылянă Евгения Корнилова пĕрремĕш, «Чи лайăх хĕрарăм ролĕ» номинацире Пăлакие сăнарланă Раиса Горшкова виççĕмĕш степеньлĕ дипломсене çĕнсе илнĕ.
Аслă Таяпари «Çутă çăлтăр» драма кружокĕ /ертÿçи Любовь Горшкова/ призерсен йышне кĕнĕ.