02 июня 2017 г.
Масар - сăваплă вырăн. Кунта пирĕн несĕлсем канлĕх тупнă. Ăна тирпейлесе тăрасси пирĕн тивĕç. Çаксене шута илсе эпир, тенеяльсем, пĕр кăмăллă пулса, иртнĕ шăматкун масара тасатма чылайăн тухрăмăр. 70 çул урлă каçнă ялти сумлă ватă В.З.Петров тата тивĕçлĕ канури Г.Г.Героев та пуртă-сенĕк тытса çамрăксемпе шай ĕçлерĕç.
Арçынсем хăрнă йывăçсене касса тирпейлерĕç. Хĕрарăмсем масар çинчи кивĕ çулçăсене, унăн таврашĕнчи çÿп-çапа тасатрĕç. Сергей Алексеев çÿллĕ ÿснĕ курăксене çулса пуç-тарчĕ. Сергей Павлов моторлă пăчкăпа хăрнă йывăçсене татса тăчĕ. Сергей Иванов, Николай Яковлев хăйсен мотоблокĕсемпе, Валерий Ананьев тракторĕпе çÿп-çапа, каснă йывăçсене турттарса тăчĕç. Виталий Васильев, Виктор Ильин, Алик Андреев, Владимир Белов, Александр Петров, Денис Ермолаев, Алексей Краснов, Геннадий Зарубин тата ытти çамрăксем те тăрăшулăх кăтартрĕç.
Источник: "Ял ĕçченĕ"