02 декабря 2016 г.
Улянкăри культура çуртĕнче аннесен кунне халалласа пысăк уяв пулчĕ. Палăртнă вăхăта чылай çын пухăнчĕ культура çуртне. Вĕсенчен ытларахăшĕ амăшĕсем, паллах. Культура çурчĕ çумĕнчи "Мерчен" хĕрарăмсен ушкăнĕ тата ачасем уява килнĕ хăнасене хаваслă юрăсем, сăвăсем тата ташăсем парнелерĕç.
Уяв программине Георгий Семеновăн "Качака" ятлă пĕр пайлă комедийĕ пуянлатрĕ. Чунтан парăнса вылярĕç хăйсен ролĕсене Алена Михайлова, Светлана Кириллова, Любовь Иванова, Елена Петрушкова. Тăвăллăн алă çупса хавхалантарчĕç вĕсене уява килнĕ çынсем.
Л.ПЕТРОВА. Улянкă ялĕ.
Сăн ỹкерчĕкре: уява хутшăннисен пĕр ушкăнĕ.
Источник: "Ял ĕçченĕ"