18 декабря 2015 г.
Аван иртрĕ Йăнтăрчă ялĕн клубĕнче нумаях пулмасть кăтартнă концерт. Курма пынисем чылайăн пулчĕç залра. Пурĕ 23 номер "парнелерĕмĕр" куракансене. Вĕсем кашни юрăпа ташă хыççăнах питĕ алă çупрĕç. Концерта хор юрланипе пуçларăмăр, унпах вĕçлерĕмĕр. Хор пурĕ тăватă юрă шăрантарчĕ. Пенсионерсемпе тĕрлĕ çĕрте ĕçлекенсем те, садике тата шкула çỹрекен ачасем те харпăр хăй номерĕсемпе тухрĕç сцена çине. Сăмахран, садике çỹрекен Каролина Фомина тата шкулта вĕренекен Настя Воробьева юрăсем юрласа, Артем Александров сăвă каласа савăнтарчĕç. Ушкăнпа ташлакансем те пулчĕç. Купăспа хамăр ял каччи пулнă Александр Михайлов хавхалантарса пычĕ. Юрласа та пачĕ. Тавах ăна. Кăмăллă юлчĕç çынсем концерт программипе. Ăна клуб директорĕ Эльза Николаева йĕркелесе ертсе пычĕ.
Е.АНДРЕЕВА, культура ĕçченĕ.
Источник: "Ял ĕçченĕ"