18 ноября 2014 г.
Виçĕ çул салтакра службăра пулнă хыççăн Йăнтăрчă ялĕнчи Федор Павлович Михайлов Канашри механизаци шкулĕнче çулталăк вĕреннĕ. Ун хыççăн Çурçĕр Казахстанра, Павлодар облаçĕнче çерем çĕрсем уçнă çĕрте вăй хурать. ДТ-54 тракторпа ĕçлесе хăй çеç икĕ çулта 1200 гектар ытла çерем çĕрсене ĕçе кĕртме тỹпе хывать. Тăрăшулăхне кура хисепре пулнă Федор Михайлов, ăна иртнĕ ĕмĕрхи аллăмĕш çулсен варринче "Çерем çĕрсене ĕçе кĕртнĕшĕн" медаль тата укçан пысăк преми парса чыслаççĕ.
Кăçал та çерем çĕрсене уçма тытăннăранпа 60 çул çитнĕ ятпа Федор Павлович кăкăрĕ çине тепĕр юбилей медалĕ хушăнчĕ.
Сăн ỹкерчĕкре: Ф.Михайлов çерем çĕрсене уçнă ятпа панă юбилей медалĕпе.
Источник: "Ял ĕçченĕ"