06 сентября 2013 г.
_Preview.jpg "Сăвăм пĕлтĕрхинчен ÿснĕ")
Августри ĕç кăтартăвĕсем тăрăх “Новый путь” ЯХПКра ĕне пăхакансем “Районти чи лайăх ферма коллективĕ” куçса çÿрекен дипломпа парне çĕнсе илчĕç. Паянхи кун хуçалăх 89 пуç мăйракаллă шултра выльăх тытать, вĕсенчен 49-ăшĕ – сăвакан кĕтÿ. Кăçалхи 8 уйăхра тенеяльсем 163,9 тонна сĕт суса илнĕ (иртнĕ çулхи çав тапхăрпа танлаштарсан – 122 процент) е кашни ĕне пуçне 3278 кг (2012 ç. – 2202). Пăрусем илесси те япăх мар, кашни 100 ĕне пуçне – 78,8 пуç (районта – 65,5). А.С.Иванова, Л.В.Гурьева, Н.М.Зайцева ĕне сăвакансем канăç мĕнне пĕлмесĕр вăй хураççĕ. Ферма ĕçченĕсене çитĕнÿпе саламланă май, райадминистраци пуçлăхĕн пĕрремĕш çумĕ-АПК аталанăвĕпе экологи пайĕн начальникĕ В.Чайкин хуçалăхăн çĕнĕ ертÿçи Владислав Николаевич Ананьев ĕçе пĕлсе йĕркелеме тăрăшнине палăртнă.
Источник: "Ял ĕçченĕ"