14 мая 2013 г.
Майăн 9-мĕшĕ – пысăк уяв. Çав кун, 68 çул каялла, фашистла Германие парăнтарнă, Аслă Отечествăлла вăрçăра Çĕнтерÿ тунă. Эпир, ун чухнехи вăрçă ачисем, халĕ ватă çынсем ĕнтĕ. Апла пулин те, пире хальхи çамрăксем манмаççĕ, хисеплеççĕ.
Эпĕ хăй вăхăтĕнче перекет банкĕнче аслă бухгалтерта ĕçлесе çавăнтанах пенсие тухнă. Пĕрле ĕçленĕ коллектива мана манса кайманшăн çав тери хисеплетĕп. Эпĕ пурăнакан яла Улянкăна пырса мана пысăк чыс туса парне панăшăн перекет банкĕн хушма офисĕн ертÿçине А.П.Краснова тата унта ĕçлекен пĕтĕм коллектива чун-чĕререн тав тăватăп, хăйсене те Çĕнтерÿ кунĕпе саламласа ырлăх-сывлăх сунатăп. Вĕсен ĕçĕ-хĕлĕ яланах ăнса пытăр.
Е.АЛЕКСЕЕВА, вăрçăпа ĕç ветеранĕ. Улянкă ялĕ.