14:12 11 октября 2021 г.
Юлашки виçĕ çуллăхра Йăнтăрчă ял тăрăхĕнче шыв ыйтăвĕ тимлĕхре тăрать. Вырăнти пуçару бюджечĕн меслечĕпе 2019-2020 çулсенче Тенеялĕнче 5415286,99 тенкĕлĕх шыв башнине тĕпрен юсанă тата шыв пăрăхĕсене çĕнĕрен хывнă. Çынсем харпăр хăй килĕсене те шыв кĕртнĕ.
Йăнтăрчă ялĕнче те иртнĕ çул халăха шывпа тивĕçтермелли икĕ башнăна çĕнетнĕ. Шăнасран башнăсем тавра тăпра купаланă, йĕри тавра карта тытса çавăрнă.
Хальхи вăхăтра «Альянс Групп» ООО подряд организацийĕ Йăнтăрчă ялĕнче ĕçмелли шывпа тивĕçтермелли ĕçсене пурнăçлама тытăннă. 12580020 тенклĕх палăртнă ку тĕллевпе туса ирттермелли ĕçсене. Йĕпе-сапа пуçланиччен вăхăтпа туллин те тухăçлă усă кураççĕ ĕçлекенсем. Паянхи кун тĕлне 6 урамра канавсем чавса шыв пăрăхĕсем хывнă. Ял халăхĕ ытти ĕçсене те çанталăк пăсăличчен туса пĕтерессе шанать.
Индырчский территориальный отдел Управления по благоустройству и развитию территорий администрации Янтиковского муниципального округа