Новости » Кÿлле тасатнӑ

13:21 26 августа 2019 г.

Оригинал

Йӑнтӑрчӑ ял территорийĕнче Тенеяль хутӑрĕ чи пĕчĕк ял шутланать. Кунта тавралӑх уçӑ та таса. Ял вĕçĕнче вырнаçнӑ çӑл  çынсене, иртен-çÿрене хӑйĕн патне йыхравлать. Ял çыннисем ӑна сиплĕхĕшĕн «Чĕрĕ çӑлкуç» тесе ят панӑ. Çӑлкуç питĕ илемлĕ вырӑнта вырнаçнӑ. Ик енĕпе  хурӑнсен аллейи, çӑл патне пыма анлӑ çул сарнӑ. Кунтах канмалли вырӑн та пур, иртнĕ çул вĕсене çĕнетнĕ. Сиплĕ шыв таканасем тӑрӑх кÿлле юхса тухать. Çӑлне вунӑ çул каялла тасатнӑччĕ, çĕнĕ пӑрӑхсем хывнӑ. Çак кунсенче ял адмминистрацийĕ кÿлле тасатрĕ. Кÿлĕ тĕпне пуçтарӑннӑ тасамарлӑха эксковаторпа хырса кӑларнӑ, çыран хĕррисене çĕнĕрен купаланӑ. Халĕ кÿлĕри шыв  тӑрӑ та таса. Çывӑх вӑхӑтрах газон акса хӑварасшӑн.

Кÿлле тасатма выçӑлкӑра çуралса ÿснĕ пĕртӑван Сергеевсем техникӑпа пулӑшнӑ.  Çынсем  кунта пулӑсем те ĕрчетесшĕн. 

Индырчский территориальный отдел Управления по благоустройству и развитию территорий администрации Янтиковского муниципального округа