00:00 11 июля 2011 г.
Тавралăха тирпей-илем кĕртес ĕç малалла пырать пирĕн тăрăхра. Çак кунсенче Йăнтăрчă ялĕн вăрман çумĕнчи кÿлĕне ялти çамрăксем тасатса тирпейлес шухăшпа пуçтарăнчĕç. Малтанах ÿссе кайнă йывăçсене касса типтерлерĕç, типме купаласа хучĕç. Унтан тракторпа юшкăна тасатрĕç, кÿлĕне çĕнĕрен пĕвелерĕç. Кăçал çумăрĕ те ытларах çăвать тата çăл шывĕсене те кунта юхса кĕме уçса янă, кÿлĕ таса шывпа туласса шанас килет.
«Тепĕр тапхăр: кунта карп пулăсене илсе килсе яма пулĕ, ял халăхĕ вали канмалли вырăн çирĕплетме май килĕ,» - тет çак ĕçĕн пуçаруçи Владимир Николаевич Васильев (Саня Вова). Каласа хăвармалла çак ĕçĕн тăкакне те вăл хăйех саплаштарнă.