00:00 20 июня 2011 г.
Ялăм-ялăм, тăван ял,
Санра мěн чул çěн вăй-хал,
Ăçта пулсан та маншăн эс пěрре,
Çуралнă ялăм, савнă ялăм
Чун-чěререн савнăран
Эс каймастăн асăмран.
Çак сăмахсемпе уçăлчě канмаллинче «Новый путь» хуçалăхăн уявě – Акатуй. Ěçри хастарлăхшăн трактористсем, дояркăсем, уйрăм ěçченсем хуçалăх наградине тивěçрěç. Юрий Демьянович Александров, хуçалăх ертÿçи, Анатолий Иванович Михайлов, Тăвай район администрацийěн пурлăхпа экономика пайěн пуçлăхě, Ирина Петровна Хайдукова, Йăнтăрчă ял тăрăхěн пуçлăхě ял ěçченěсене саламланă.
Акатуйне килнě çынсем волейбол, футбол вăййисенче, кире пуканě çěклесе, канат туртса, тěрлě эстафетăра хутшăнчěç.
Çавăн пекех суту-илÿ ěçлерě, шÿрпе пулчě. Шупашкар артисчěсем пуян концертпа савăнтарчěç.