00:00 20 апреля 2011 г.
Паян Йăнтăрчă ял тăрăхěн территорине пěрлěхлě информации куне ирттерма яваплă çынсем килсе çитрěç: Чăваш наци музейěн ертÿçи – Меньшикова Ирина Петровна, Тăвай район администрацийěн ěç управляющийě – Чайкин Валерий Васильевич.
ЧР 2011-2012 çулсенче сывлăх сыхлавне çěнетмелли программа çинчен, «ЧР нумай ачаллă çемьесене çěр пайě уйăрса парасси çинчен» закона пурнăçа кěртмелли мерăсем, тавралăха тирпей-илем кěртес тата çак ěçсене çынсене массăллă хутшăнтарас енěпе пулакан вырăнти хăй тытăмлăх органěсен тěллевěсем пирки калаçрěç асăннă мероприятире.
Йăнтăрчă ял тăрăхěн пуçлăхě И.Хайдукова тухса калаçрě тěл пулура.