00:00 07 апреля 2011 г.
Улянкăри культура çурчě çумěнче тата тепěр клуб ěçле пуçларě. Клуб ячě «Вучах», ěçне хěрарăмсен совечěн ертÿçи Светлана Кириллова йěркелесе пырать. Ялти пултаруллă хěрарăмсем эрнешерěн пуçтарăнаççě культура çуртне: шерепеллě тутăр çыхма хăнăхрěç (вěрентекенě Светлана Кириллова), илемлетнě тапочки те çыхма вěренчěç.
Унсăр пуçне каласа хăвармалла: юрă-ташăпа та питě туслă çак ларăва çÿрекен хěрарăмсем, туххăмрах концерт хатěрлерěç, ял халăхě умěнче лартса пачěç, Йăнтăрчăна та çитсе килчěç. Концерт программине Ираида Евдокимова хатěрлерě.
"Тěпленсе ялта пурăнатпăр, апла обществăлла пурнăçран та юлар мар, йышпа темле ěç те пурнăçлама пулать", - теççě Улянкăри хěрарăмсен совечěн членěсем.