00:00 02 марта 2011 г.
Çамрăк суйлавçăсен кунне халалласа районта нарăсăн 15-20-мěшěсенче «Эпě – çамрăк суйлавçă, суйлама та, суйланма та пултаратăп» ятлă интернет-викторина иртнě. Çакă викторинăна Йăнтăрчă ял тăрăхěнче пурăнакан çамрăксем те йышлăн хутшăннă. Вăтам шкулта тăххăрмěш класра вěренекен Татьяна Иванова ыйтусем çине туллин хуравланă. Татьяна тăрăшуллă хěр ача, пур предметпа та «5» паллăсемпе ěлкěрсе пырать, класс тулашěнчи ěçсене хаваспах хутшăнать. Районта иртнě олимпиадăсенче вырăс, акăлчан чěлхипе, право, истори, биологи предмечěсемпе малти вырăнсем йышăннă, вырăс чěлхипе район чысне республикăра хÿтěленě.