00:00 01 февраля 2011 г.
«Эпир пурнăçа çěнетсех пыма тивěç» темăпа иртрĕ паян Улянкăра пурăнакан çынсемпе тĕлпулу. Тĕлпулăва район администрацийĕн пуçлăхĕ Ю.Е.Васильев хутшăнчě. Вăл районăн иртнĕ çулхи çитĕнĕвĕсемпе кĕскен паллаштарчĕ, çитменлĕхĕсене те асăнчĕ, 2011 – мěш çул вали задачăсем лартрě. Çавăн пекех вěрентÿри, сывлăх сыхлавěнчи, культурăри ытти ĕмĕт – тĕллевсем пирки те манмарĕ район администрацийĕн пуçлăхĕ.
Çитмĕл ытла çын пуçтарăнчĕ пухăва, тĕрлĕ ыйту кăсăклантарчĕ вĕсене. Район администрацийĕн пуçлăхĕ Ю.Е.Васильев, ял тăрăхěн пуçлăхě И.Хайдукова, район депутачĕсен пухăвĕн депутачĕ В Егоров ыйтусем çине хуравларĕç.
«Пурнăçа малалла ярас тесен – производствăра-и е ытти сферăра – ял халăхĕн пурин те çине тăрса ĕçлемелле», - тесе пĕтĕмлетрĕç тĕл пулăва.