00:00 28 января 2011 г.
Йăнтăрчăри вулавăш çумěнчи «Мерченпи» клуб членěсем Раиса Сарпин «Пукане» юмахě тăрăх инсценировка хатěрлерěç. Пěчěк артистсем Йăнтăрчăри ача – пăча садне çул тытрěç, кунта вěсене хапăл туса йышăнчěç. Вера Матвеева, Диана Иванова хăйсен ролěсене уйрăмах аван сăнласа пачěç, куракансем вěсене тăвăллăн алă çупса тав турěç. «Мерченпи» клуб членěсем кěçěн юлташěсем патне пěрмаях килме шантарчěç.
Куракансем хушшинче ашшě – амăшě те пулчě. «Мěн пěчěкрен ачана культурăн тěрлě енлě ăнланăвě патне илсе килме тăрăшни пурин тивěçě те», - тесе палăртрěç вěсем. «Çак ěçе ял тăрăхěнче тивěçлě туса пыма пултаракан ответлă çынсем пурри савăнтарать», - терěç.