13 июня 2007 г.
Нÿшкасси ялĕнчи Л.Семенов, вăрман специалисчĕ пулнă май, куллен тăван тăрăхшăн тăрăшать. Иртнĕ çул та чылай йывăç лартса çирĕплетнĕччĕ вăл çырмана, карта тытса хăварнăччĕ. Кăçал çак ĕçе малалла тăсрĕ, татах йывăçсем лартрĕ.
Ял тăрăхĕнче ĕçлекенсемпе врач офисĕн работникĕсем те çывăхри территорие тирпей-илем кĕртессине сахал мар тимлеççĕ. Эльпуçпе Çĕнçырма ялĕсенче пурăнакансем пулăшнипе вĕсем пахчара ашкăрса ларакан Америка вĕренисене касса типтерлерĕç, вĕсен вырăнне хурăнпа хыр аллейисем хывса хăварчĕç.
Источник: "Ял ĕçченĕ"