13 июня 2007 г.
Ураскассинчи театр пултарулăх коллективне районта кăна мар, республикăра та ырă енчен кăна пĕлеççĕ. Иртнĕ уйăхра ураскассисем халăх театрĕ хисеплĕ ята тепĕр хут çирĕплетрĕç. Куракан умне вĕсем Ф.Павлов çырнă “Судра” камите кăларчĕç. ЧР Культура министерствинчен килнĕ комисси вырăнти артистсен ĕçне пысăк хак пачĕ. Спектакльти сăнарсене ЧР культурăн тава тивĕçлĕ ĕçченĕ П.Никифоров "вăлах режиссер", Н.Васильев, А.Александрова, В.Никифоров, В.Васильева, Л.Васильева калăпланă. “Маттур, чăн-чăн театр артисчĕсем пекех вылятăр”, – хавхалантарнă комисси членĕсем ураскассисене.
Источник: "Ял ĕçченĕ"