Вăйă юррисем
Хорнуй ялĕнче те, ытти чăваш ялĕсенчи пекех,
çамрăксем çурхи савăнăçлă
каçсене вăйăра ирттернĕ. Вăйă майĕпе
юррисене юрланă, шўтленĕ. Акă вĕсенчен хăшĕ-пĕрисем:
Автанĕпе чăххийĕ,
чăххийĕ
Вăлашкине тўнтермелле
вуляççĕ, вуляççĕ.
Ваньушкапа Спаньушка, Спаньушка
Тўшеккине ампаралла
йăтаççĕ, йăтаççĕ...
Ай-ай-ай, ай-ай-ай, чуптунине
кортăмăр, кортăмăр,
Ай-ай-ай, ай-ай-ай, уйрăлнине корасчĕ,
корасчĕ...
Вăрçă вăхăтĕнче
те вăййа тухнă, анчах савăнăçĕ пулман.
Каччăсем пурте вăрçăра пирки «вăйă» каçĕ
салхуллăн иртнĕ. Хĕрсем хурлăхлăн юрланă:
Вулямастăр, колмастăр та
Вулямастăр, колмастăр,
Ĕмĕр иртмеç тетĕр-и?
(2 хут)
Иртин иртĕ, мĕн тăвас та
Иртин иртĕ, мĕн тăвас?
Савни çок тăк
савнăç çок. (2 хут)
Ише пĕлмен коакалне те
Ише пĕлмен коакалне
Ме ку кўлле янă-ши? (2 хут)
Тĕрĕ пĕлмен хĕрсене
те
Тĕрĕ вĕрениман хĕрсене
Ме сар порçăн парнă-ши? (2
хут)
Пер çитĕннĕ
вăхăтра та
Пер çитĕннĕ
вăхăтра
Ме ку вăрçă
тухнă-ши? (2 хут)
Ача-пăчан хăйсене май
вăйă, хăйсене май юрăсем пулнă.
Йĕкĕрлтер, йĕкĕрлтер,
Йĕкĕрлтер капăр пĕр
капăр,
Йăптăм-йăптăм
ерментей,
Сарри, сарри, саррипе,
Хори, хори, хорипе,
Тимĕр карта толлипе.
Эс чипер, эп чипер,
Чăн чипери çак ачи, —
тесе карталанса юрласа çаврăннă. Çав
вăхăтра пĕри карта варринче тăнă. Юрласа чарăнсан
вăл кама кăларас тет, çавна туртса кăларнă. Хăй
ун вырăнне тăнă. Каллех çавăн пек... (Авалхи вăйă.)
Хорнуй ялĕ, 1960-мĕш çулĕсенче Н.Г. Петровский
(1921) çырса илнĕ.
