2019.11.23 «Анне çуначĕ айĕнче» литература уявĕ.

Ноябрь уйăхĕн 22-мĕшĕнче Таяпа Энтринчи ял клубĕнче Анне кунне халалласа «Анне çуначĕ айĕнче» литература хăна пӱлĕмĕ (литературная гостиная "Под маминым крылом") ятпа пысăк мероприяти иртрĕ.

Фойере вулакансем валли «Анне пуласси…» кĕнеке выставки хатĕрленĕ.

   Чи малтанах хисеплĕ аннесене Кĕçĕн Таяпа ял тăрăхĕн специалисчĕ Л.Ильина ашшăн саламларĕ, телейпе сывлăх сунчĕ.   

 Ял тăрăхĕнчи клуб ĕçченĕсем анне çинчен илемлĕ юрăсем шăрантарчĕç. Пухăннă хăнасене Е.Михайлова, В.Карсакова, И.Ванюшина кулăшла сценкăсем выляса савăнтарчĕç.  А.Софронова каласа панă сăвă пурин чунне те пырса тиврĕ. В.Матвеев хăйпе пĕрле куракансене те юрлаттарчĕ.

   Нумай ăшă сăмах, илемлĕ юрă-кĕвĕ янăрарĕ уявра. Хăнасем тортпа тата вĕри чейпе сăйланчĕç. Килĕшнĕ уявран шăкăл-шăкăл саланчĕç аннесем.

Аннесен кунĕ ячĕпе саламлатпăр!