26.11.2020 г. Краеведческий час «Асамлӑ чӑваш тӗрри»

     Чӑваш халӑх искусстви пуян та нумай енлӗ. Унӑн тӗп тӗслӗхӗнчен пӗри – тӗрӗ эрешӗ. Тĕрĕпе чǎвашсем тумтире çеç мар, пÿрт ăшчиккине те илемлетнĕ. Авалхи эрешсенче тĕнче тытăмĕ çинчен шухӑшлани, ӑна аталантарма тӑрӑшнине палӑртаҫҫӗ чӑваш ӑсчахӑсем. Тӗрӗ вӑл – чӑвашсен чи авалхи искусствисенчен пӗри. Чӑваш тӗррин илемӗ такам чунне те канӑҫтарма пултарать, куҫа илӗртет.

    Чăваш тӗррин кунне Чулкасри пӗтӗмӗшле пӗлÿ паракан тӗп шкулти 2 класра вӗренекенсем ял вулавӑшне мероприятие килчĕҫ. Вулавӑш ӗҫченӗ Н.Ю.Моисеева ачасене чӑваш тӗррин орнаменчӗсемпе, унӑн историйӗпе паллаштарнӑ, кашни çĕввĕн хăйĕн вырăнĕ пулни ҫинчен каласа хăварнă. Вӗсен пӗлӗвне тӗрӗслес тӗллевпе викторина ирттернӗ. Софья Моисеева, кӗнеке вулама юратаканске, «Тӗрлеме те пултарап» сăвă парнеленĕ.