Публикации » Районти чи лайăх механизатор

Паян механизаторсем çĕр хуçисем шутланаççĕ тесен те йăнăш пулмасть. Вĕсем ĕçе ăнланса, агротехника правилисене çирĕп пурнăçласа пырсан тыр-пул тухăçне ÿстерме пулать. "Нива" ЯХПКра ĕçлекен Валерий Васильевич Черендеев пирки те ăшă сăмахсем каламалла. Н.Черендеев 20 çул ытла трактор рулĕ умĕнче. Вăл шанса панă Т-150 трактора яланах юсавлă тытать, унпа тухăçлă усă курать. Çĕр ĕç пахалăхĕшĕн уйрăмах хытă тăрăшать. Ахальтен мар хуçалăх дирекцийĕ пултаруллă, шанчăклă механизатора пур енлĕн хавхалантарса пыма тăрăшать. Вăл йывăр ĕçре ялан хăйне лайăх енчен кăтартса пынипе хисепе çĕнсе илнĕ.

Кăçал В.Черендеев тырă акма çĕр хатĕрлес енĕпе пынă механизаторсен ăмăртăвĕнче çĕнтернĕ. Вăл пĕччен урапаллă тракторпа 1600 условнăй эталон-гектар ĕç тунă, "Районти чи лайăх механизатор" ята тивĕçнĕ.