Публикации » Выльăх апачĕ хатĕрлеççĕ

Выльăх апачĕ хатĕрлес тапхăр пуçланчĕ. Хуçалăхсенче нумай çул ÿсекен курăксене çулассипе тимлеççĕ. Тăрăшуллисем çанталăкăн кашни ырă саманчĕпе туллин усă курасшăн. Акă, июнĕн 22-мĕшĕ тĕлне «Асамат» хуçалăх ĕçченĕсем 190 гектар курăк çулнă та ĕнтĕ. «Коминтерн» кооперативра та çак ĕçе 140 гектар çинче пурнăçланă. Утă 30 гектар янтланă. Çак хушăра «Нива» 90 гектар çинче курăксене çулнă, 500 тонна силос, 15 тонна утă хатĕрленĕ. «Свобода» колхоз механизаторĕсем çак ĕçе 60 гектар çинче пурнăçланă. Вĕсем 90 тонна силос, 15 тонна утă янтланă. «Победа», «Путь Ильича», «телей», В.Никитин фермер хуçалăхсем те ĕç çине тухнă.

Асăннă хуçалăхсем паян-ыран сенаж хывас ĕçе пуçăнасшăн.