23 ноября 2013 г.
Питĕркасси шкулĕнче пĕлĕвне ÿстерекен 9 класс ачисем те класс ертÿçи А.В.Фадеева ертсе пынипе çак акцие активлă хутшăнчĕç. Вĕсем район хаçатне мĕнлерех хатĕрленипе интересленсе редакцире пулчĕç. Шкул ачисем район тĕкĕрĕн историйĕпе паллашрĕç, унăн ячĕ çичĕ хут улшăннине пĕлчĕç. Вĕренекенсем хаçат валли статьясем калăплакан корреспондентсен, наборпа верстка операторĕн ĕç пÿлĕмĕсенче пулчĕç, çитес кăларăма хатĕрлесси епле пулса пынине курчĕç, ку ĕç кăткăс пулнине ăнкарчĕç. Хатĕр хаçата Интернет урлă Шупашкара "Чăваш Ен" издательство çуртне пичетлеме ярса панине илтсен тĕлĕннине пытармарĕç.
Редакци тĕрлĕ бланксем пичетленĕ май ачасене ку енĕпе ĕçлекен Г.В.Исправникова кĕнекесемпе брошюрăсене çĕлесси, бланк пичетлесси, хут касасси мĕнле пулса пынине кăтартрĕ.
Экскурсире пулнă вĕренекенсем хăйсем валли чуна çывăх професси суйласа илессе шанас килет.
Н.МИДАКОВА.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерство информационной п
Источник: "Пирěн пурнăç"