26 октября 2013 г.
Раççейĕн Чăваш Республикинчи УФСИНĕпе Чăваш Ен Халăха ĕçпе тивĕçтерекен патшалăх служби ирĕклĕхсĕр хăварнă граждансене ĕçе вырнаçтарас, профессие вĕрентес, ĕçлев саккунĕсене ăнлантарса парас тĕллевпе тунă килĕшÿ тăрăх пирĕн хутлăхри юсанмалли учрежденисенче пуринче те справкăпа консультаци пункчĕсене йĕркеленĕ тата вĕсем ăнăçлă ĕçлеççĕ. Служба центрĕсем вĕсене пушă ĕç вырăнĕсене тата условисене кăтартнă вакансисен банкне, çавăн пекех ĕç рынокĕнчи лару-тăру пирки кашни эрнерех информаци парса тăраççĕ.
2013 çулхи кăрлач-авăн уйăхĕсенче справкăпа консультаци пункчĕсен пулăшăвĕпе ирĕке тухма хатĕрленекен 1113 гражданин усă курнă. Республикăри юсанмалли учрежденисенче халăха ĕçпе тивĕçтерекен центрсен специалисчĕсемпе пĕрле асăннă тапхăрта информаципе консультацин 30 мероприятине йĕркеленĕ.
Унсăр пуçне кăçал вĕсенче ĕç вырăнĕсен вакансийĕсен 6 ярмăрккине ирттернĕ, вĕсенче ирĕклĕхсĕр хăварнă 600 гражданин пулнă.
Çулталăк пуçланнăранпа халăха ĕçпе тивĕçтерекен центрсене вырăн тупса памашкăн ыйтса тĕрмере ларса тухнисен йышĕнчен 189 çын пынă. Ку кăтарту ĕç шыракансен пĕтĕм йышĕн 0,5 проценчĕпе танлашать. Вĕсенчен 134-шне /70,9%/ вырнаçтарма май килнĕ, 22-шне /11,6%/ професси вĕренĕвне янă. 2013 çулхи юпа уйăхĕн 1-мĕшĕ тĕлне ĕçсĕррисен шутĕнче асăннă ушкăна кĕрекен 10 çын тăнă.
http://hypar.ru/nws/show/32/22254/index.php?id=s281727085339
Источник: "Хыпар"