Публикации » Стажировка шанăç хушать

Республикăра ятарлă программа пурнăçланнă май виççĕмĕш çул ĕнтĕ вĕренсе тухакансене направленипе стажировкăна яраççĕ. Унпа килĕшÿллĕн пуçламăш, вăтам, аслă пĕлÿ илнĕ çамрăк специалистсем вăхăтлăх (ултă уйăх таран) ĕçе вырнаçса профессипе опыт пухма, май пулсан яланхи вырăнне тупма пултараççĕ. Кун пек чухне ĕç сĕнекене стажировка тухакан яш-кĕрĕмшĕн тăкакланă пурлăхăн пĕр пайне саплаштарма укçа уйăраççĕ.

Кăçал акă ĕçпе тивĕçтерекен центр пулăшнипе тĕрлĕ шайри вĕренÿ учрежденийĕсенчен пĕлÿ илсе тухнă районти 22 çамрăка стажировкăна янă.

Асăннă программăна хутшăнас тесен çамрăксен ĕçпе тивĕçтерекен центрта регистрациленмелле, алăра паспорт тата вĕренсе тухнине çирĕплетекен документ – диплом – пулмалла. Ĕçпе тивĕçтерекен центр повар-кондитер, пекарь, бухгалтер, экономист, технолог тата юрист специальноçĕсемпе стажировкăна вырнаçма пулăшĕ.