12 января 2011 г.
Район прокуратури Тумликасси ялĕнче пурăнакан В.Кудюков тĕлĕшпе пуçарнă уголовнăй ĕçпе патшалăх айăплавне ырланă. Малтанласа тĕпчесе палăртакан органсем В.Кудюкова 2008 çулхи декабрĕн 10-мĕшĕпе 2010 çулхи майăн 31-мĕшĕчченхи тапхăрта районти ĕçпе тивĕçтерекен центрта учетра тăрса 7317,12 тенкĕ чухлĕ ĕçсĕрлĕх пособине саккунсăр илнишĕн айăпланă. В.Д.Кудюков ĕçсĕрлĕх пособине илсе тăнă май çул çитмен Ю.Ямскова хăй хÿттине илнине тата усрав ашшĕ-амăшне паракан ĕç укçине тивĕçнине пытарнă.
Çак арçыннах, 2009 çулхи сентябрĕн 22-мĕшĕпе 2010 çулхи февралĕн 24-мĕшĕчченхи тапхăрта, ĕçпе тивĕçтерекен центрта саккунсăр майпа 4383,55 тенкĕ чухлĕ ĕçсĕрлĕх пособине илсе тăнă, усрав ашшĕ-амăшĕн ĕç укçине вăрттăнлăхра тытнă.
Суд В.Д.Кудюкова айăплă тесе йышăннă, арçын çул çитмен виçĕ ачана пăхса пурăннине тата сиен кÿнине хăйĕн кăмăлĕпе тавăрса панине кура 3000 тенкĕлĕх штрафланă.
Источник: "Наша жизнь" (Красночетайская районная газета)