Публикации » Ял уявне хатĕрленсе

29 июля 2016 г.

Тăрмăш ялĕнче пурăнакансем август уйăхĕнче ял уявне ирттерме хатĕрленсе нумай ĕçсем туса ирттереççĕ. Стадионта инвентарьсене сăрласа илемлетрĕç. Администраци ĕçченĕсем - В.В.Николаева, Л.А.Шакина, О.Ю.Васильева тăрăшса ĕçлерĕç. Клуб умĕнчи Ленин палăкĕ умĕнчи чечексене çум курăксенчен тасатса йĕркене кĕртнĕ, А.В.Ивановапа М.Н.Матросова пĕрле ĕçлерĕç. Администраци çурчĕ умĕнче лартнă чечексене С.Лаврентьева, почта уйрăмĕнчине Е.А.Андреева çумларĕç. Шкул çывăхĕнчи вăрçăра вилнисене асăнса лартнă палăк умĕнчи чечексене шкулта вĕренекенсем практика вăхăтĕнче ĕçлесе йĕркелерĕç. Урамсенчи кил хуçалăхсем те курăксене çулса пахчари çум курăксене тасатнă. Стадионти курăка çулнă. Праçнике лайăх лару-тăрура ирттересшĕн.

В.ЛАВРОВА.

Источник: "Ял ĕçченĕ"