19 января 2016 г.
Литература çулталăкĕ хыçа юлнă май, ĕçсене пĕтĕмлетрĕмĕр. Пултаруллисене палăртрăмăр.
Акă, Елена Павловна Егорована тăтăшах Тăрмăшри библиотекăра куратăн. Пенсионерсенчен чи нумай вулаканни вăл. Çĕнĕ журналсемпе чăвашла çырнă кĕнекесем вулавăша килессе кĕтсех тăрать. Хаклăран тĕрлĕ издани çырăнса илеймеççĕ халĕ ял çыннисем. Библиотекăна пырса вулама юратаççĕ. Интереслĕ кĕнекесене пĕрле сỹтсе яваççĕ. 2015 çулта Елена Павловна аслă ỹсĕмрисем хушшинче "Чи нумай вулакан" ята тивĕçнĕ.
Район хаçатне те кăмăл-туйăмпа кĕтет. Унти кашни материала вуласа тухать.
Ялти шкулта хут ĕçĕсене йĕркелесе пынă вăл. Çакăнтанах пенсие тухнă.
Л.АНДРЕЕВА.
Источник: "Ял ĕçченĕ"