Публикации » Раштав турнирĕнче

Раштав турнирне 12 шахматист хутшăнчĕ. 10 минутлă блицра пирвайхи турсенчех В.Пастухов лайăх старт илчĕ. Вăл пурĕ те 2 çухату кăна тÿсрĕ – В.Дмитриевпа К.Григорьевран. Çĕнтерÿçĕн – 9 очко. 2–3 вырăнсене В.Дмитриевпа К.Григорьев йышăнчĕç (8-шар очко). 4-мĕш вырăн Ан.Алексеевăн (6 очко). Малалли 4 вырăна 5,5 очкопа Ю.Арестов, А.Афанасьев, И.Соловьев тата В.Чернов пайланă.

Ăмăртусем хыççăн 5 минутлă блиц пулнă.

Пирвайхи тĕл пулăва 0:2 шутпа (2-шер партии) Вал.Чернова выляса янă хыççăн, блиц ăсти В.Пастухов пурне те “типĕлле” (А.Шишов кăна унран çур очко илме пултарнă) çĕнтернĕ (9,5 очко).

Январĕн 21-мĕшĕнче районти шахмат аталанăвĕ çине пысăк витĕм кÿнĕ, чи пултаруллă шахматистсенчен пĕри пулнă, ăста наставник шутланнă Василий Черновăн асăну турнирĕ пулать. 9 сехетре шахмат клубĕнче пуçланать.