02 сентября 2011 г.
Ытлари кун районти футбол чемпионачĕ вĕçленчĕ. “Дорстрой” тăрмăшсене хуса çитрĕ. Вăл чемпионата вĕçлекен юлашки вăйăра “Лидера” 6:1 шутпа çĕмĕрсе тăкрĕ. “Дорстрой” 2-мĕш çаврăмра пур командăран та вăйлăрах пулчĕ. Тăрмăшсем вара пĕр шутламан çĕртен килте “Союзран” 1:2 шутпа çухату тÿсрĕç. “Союз” лайăх пуçтарăнса вылярĕ, ăна умĕнхи турта пуянкассисене 4:3 шутпа çĕнтерни те хавхалантарчĕ пулас. Тăрмăшсен вара вăйă каймарĕ. Пуянкассисем килте нăрвашсене 4:2 шутпа çĕнтерчĕç.
Çапла вара “Дорстройпа” тăрмăшсен икĕ çаврăм хыççăн 33-шер очко. Мечĕксен разноçĕ “Дорстройăн” лайăхрах: 52–14ç38. Тăрмăшсен 2-мĕш çаврăмра икĕ “осечка” пулчĕ: “Дорстройран” 1:3 тата “Союзран” 1:2 шутсемпе çухатусем тÿсрĕç. Вĕсем ыттисен хапхине 39 мечĕк тапса кĕртнĕ, хăйсенне 11 кĕрттерсе янă (Ç28). Чемпионат положенийĕпе килĕшÿллĕн, командăсен очкосем тан пулсан, çĕнтерÿсен шутне, мечĕксен разноçне, вара пĕр-пĕрин хушшинчи результата пăхаççĕ. Тăрмăшсен 11 çĕнтерÿ пулсан, “Дорстройăн” – 10 кăна (вăл 1-мĕш çаврăмра 3 тĕл пулăва ничьяпа вĕçленĕ).
3-мĕш вырăн – “Лидерăн”. Вăл 23 очко пухнă.
Источник: "Ял ĕçченĕ"