13 ноября 2013 г.
Кĕçĕн Патреккел ялĕнче пурăнакан Елена Григорьева Бартасова 90 тултарнă. Çак кун вăл Раççей Федерацийĕн Президенчĕн В. Путинăн салам çырăвне те илнĕ. Сумлă юбилей ячĕпе ăна Кĕçĕн Таяпа ял тăрăхĕн пуçлăхĕ В.Петров та саламланă.
Елена Григорьевна вăй питти çулĕсене тăван хуçалăхра пархатарлăн ĕçлесе ирттернĕ. Михаил мăшăрĕпе иккĕшĕ 6 ача çуратса ỹстернĕ, тивĕçлĕ воспитани панă. Пурнăçĕ çăмăлах килмен пулин те пуçне усман вăл. Йывăрлăхсене чăтăмлăн тỹссе ирттернĕ ватă çак вăхăтченех çирĕп ăс-тăнпа пурăнать, хăйне юбилей ячĕпе саламлама, куç тĕлне тума вăхăт тупнăшăн пурне те чун-чĕререн тав тăвать, пехил парать.
Источник: "Елчĕк Ен"