24 августа 2013 г.
Çамрăксен пушă вăхăтне усăллă ирттересси ялти культура çурчĕ тивĕçлĕ шайра пулнинчен тата культработниксем яваплăха туйса ĕçленинчен нумай килет.
Çак кунсенче Таяпа Энтри ялĕнче пурăнакансем тинех хаш сывласа ячĕç. Сăлтавĕ - чылай вăхăт пушă та юсавсăр ларнă культура çуртне тĕпрен юсаса хута янинче. Çак ятпа пысăк уяв йĕркеленĕ Таяпа Энтрисем.
Çак савăнăçа пĕрле пайлама хутшăннă район администрацийĕн ĕçĕсене йĕркелесе пыракан пайĕн ертỹçи Е.Михайлова, Кĕçĕн Таяпа ял тăрăхĕн пуçлăхĕ В.Петров ял халăхне саламланă май клуба юсас ĕçре палăрнисене Тав çырăвĕсемпе чысланă.
Алексейпе Андрей Шадриковсем, Полина Борисова, Петр Ермолаев, Анатолий Столбов юрăçсем вара куракансене концертпа савăнтарнă.
Источник: "Елчĕк Ен"