02 июня 2012 г.
"Тантăш" хаçатăн, "Самант", "Тетте" журналсен тĕп редакторĕ Владислав Дмитриевич Николаев Палтиел вăтам шкулне çу уйăхĕн 15-мĕшĕнче хăнана килчĕ. Владислав Дмитриевич шкулта вĕренекенсене, вĕрентекенсене хаçат-журнал кăларас ĕçпе, заметка çырмалли вăрттăнлăхсемпе паллаштарчĕ. "Самант", "Тетте", "Тантăш" çырăнакансем хушшинче лоторея иртрĕ. Ачасем ручка, кĕнеке, блокнот тата "Сочи-2014" асăну укçи выляса илчĕç. Тĕп редактор ачасене пурне те асăнмалăх закладка, шкула "Чăваш ен актерĕсем" кĕнеке ларнелерĕ. Вĕренекенсем хаклă хăнапа сăн ÿкерттерчĕç. В.Д. Николаев тата килсе курма шантарчĕ. Ачасем тулли кăмăллă юлчĕç.
Источник: "Шăмăршă хыпарĕ"