10 марта 2011 г.
"Мини-футбол _ шкула" проектпа килĕшỹллĕн, Атăлçи федераци округне кĕрекен тата Урал регионĕсенчи шкул ачисен футбол турнирĕ иртнĕ. Чăваш Республикин чысне Шăмăршăри ачасемпе çамрăксен спорт шкулĕнче ăсталăха туптакан 5-7 классенче вĕренекенсем хỹтĕленĕ. "Колосок" команда республикăри турнирăн çĕнтерỹçи пулса тăнă. Чулхулара иртнĕ турнира пурĕ 14 регион команди хутшăннă. Шăмăршăсем Йошкар-Ола, Набережные Челны, Оренбург хулисен командисене çĕнтерсе çурма финала тухнă. Шел те, Саранск футболисчĕсене "Колосок" выляса янă. Виççĕмĕш вырăншăн кĕрешсе, Киров облаçĕнчи Вятские Поляны хулин командине парăнтарнă. Çапла вара Шăмăршăсем, пĕлтĕрхи пекех, бронза медале тивĕçнĕ.
Источник: "Шăмăршă хыпарĕ"