12 декабря 2007 г.
ПУЯНКАССИНЧИ Культура çурчĕ çумĕнчи "Ахаяс" фольклор коллективĕ Уфа хулинче иртекен Пĕтĕм Раççейри наци культурин фестивальне хутшăнать. Чăваш Республикин культурин тава тивĕçлĕ ĕçченĕ Надежда Федотова ертсе пыракан коллектив юрра-ташша чун-чĕререн юратакан çынсене _ культурăра, шкулта, медицинăра тата ял хуçалăхĕнче вăй хуракансене пĕрлештерсе тăрать. Коллектив репертуарĕнче _ хăна, улах, туй тата вăйă юррисем, такмаксем, чăваш халăхĕн авалхи йăли-йĕрки. Фестиваль декабрĕн 15-мĕшĕччен пырать. "Ахаяс" артисчĕсене Уфаран лауреат Дипломĕпе таврăнма ырă сунатпăр.
Источник: "Шăмăршă хыпарĕ"