02 июля 2021 г.
Июнĕн 30-мĕшĕнче 12.00 сехетре Раççей Федерацийĕн Президенчĕ Владимир Путин тỹрĕ линие тухрĕ, 3 сехет те 42 минут хушшинче çĕршыври граждансен 68 ыйтăвĕ (пурĕ 2,2 млн ыйту панă) çине хуравларĕ.
Хăйсене кăсăклантаракан ыйтусене çынсем маларах ятарлă номерсем çине шăнкăравласа, "Мускав _ Путина" мобильлĕ приложени, "Одноклассники" тата "Вконтакте" сайтсем урлă пама пултарчĕç.
Тĕп вырăнта коронавируса хирĕç пуçарнă вакцинаци, çĕнĕ пособисем тỹлес тата апат-çимĕç хакĕсене ỹстерес ыйтусем пулчĕç. Çавăн пекех тимлĕхре çак ыйтусем пулчĕç: инфляци, экологи, социаллă сфера, Украинăпа тата АПШпа (США) хутшăнасси, банк мошенникĕсемпе кĕрешесси, социаллă сетьсен ĕçĕ-хĕлĕ, уйрăм çуртсен газификацийĕ, коммуналлă хуçалăхшăн тỹлесси, Вице-премьерсене РФ субъекчĕсен кураторĕсем тăвасси, ĕç ветеранĕсен çăмăллăхĕсем, Раççейри спорт, курортсен хакĕ, налук тỹлевĕ, хытă каяшсене вырнаçтарасси, строительство материалĕсен хакĕ ỹсни, ĕçсĕрлĕх.
Первоисточник: РЕДАКЦИЯ ШЕМУРШИНСКОЙ РАЙОННОЙ ГАЗЕТЫ