12 июля 2019 г.
2020 ÇУЛА Раççей Федерацийĕнче Астăвăмпа мухтав çулталăкне халалласа ирттерĕç.
Кун пирки Раççей Федерацийĕн Президенчĕ Владимир Путин 2019 çулхи июлĕн 8-мĕшĕнче алă пусса çирĕплетнĕ указра палăртнă.
Çулталăка çĕршывра истори астăвăмне упрас тата Тăван çĕршывăн аслă вăрçинче çĕнтерỹ тунăранпа 75 çул çитнине халалласа ирттерме йышăннă.
Указра РФ Правительствине пĕр уйăх хушшинче астăвăмпа мухтав çулталăкĕнчи тĕп мероприятисене палăртса çирĕплетме хушни те пур.
Çулталăкри ĕçсене Раççейри «Çĕнтерỹ» йĕркелỹ организацийĕ пурнăçласа пыма тивĕç. Унăн ĕçне Президент администрацийĕн ертỹçи тĕрĕслесе тăрасси паллă.
Право информацийĕн официаллă интернет-порталĕнчен.
Источник: "Шăмăршă хыпарĕ"