24 мая 2019 г.
РАЙОНТА ака ĕçĕсем вĕçленнĕ. Кăçалхи çуркунне пĕрчĕллĕ тата пăрçа йышши культурăсене 9130 гектар çинче акса хăварнă, çав шутра тулă - 4560, урпа - 3460, сĕлĕ - 780, хуратул - 30, пăрçа йышши культурăсем - 90 гектар йышăнаççĕ. Унсăр пуçне 152 гектар çĕр лаптăкĕ çинче - соя, 1 гектар - сухан вăрлăхĕ (севок), 400 гектар - сахăр чĕкĕнтĕрĕ, 1150 гектар хĕвел çаврăнăшĕ çитĕнтересшĕн. Çĕр улмине те пур хуçалăх та лартса пĕтернĕ.
Хальхи вăхăтра куккурус акаççĕ. Ăна паянхи кун тĕлне 120 гектар çинче акнă та ĕнтĕ, çитес вăхăтра çак ĕç те вĕçленмелле.
В.СЕВРЮГИН.
Источник: "Шăмăршă хыпарĕ"