Публикации » Пуçару бюджечĕпе - юсав ĕçĕсем

21 мая 2019 г.

   Юлашки çулсенче пуçару бюджечĕпе усă курса тĕрлĕ юсав ĕçĕсем ирттересси йăлана кĕчĕ. Хальхи вăхăтра районта çакнашкал 3 ĕç пурнăçланать.
  Кивĕ Чукал ял тăрăхĕнче Тăван çĕршывăн аслă вăрçине хутшăннă паттăрсене асăнса лартнă палăка çĕнĕ сăн кĕртеççĕ тата ялти стадиона юсаççĕ. Çак ĕçсене пурнăçлама ял çыннисем 43 пин тенкĕ укçа пуçтарнă, республика бюджетĕнчен - 448 пин, вырăнти бюджетран - 43 пин тенкĕ уйăрнă. Подрядчик - «Строитель плюс» ООО.
  Çавăн пекех Хайпăла ялĕнчи карл Маркс урамĕнчи автомобильсем çỹрекен çула та çак меслетпех юсаççĕ. Ĕçе «Строитель плюс» ООО пурнăçлать.
   Шăмăршă ялĕнчи Энтузиастсен урамĕнчи çула юсаканĕ - А.П.Егоров ИП.
  Çапла ял тăрăхĕсенче пуçару бюджечĕ пулăшнипе курăмлă ĕçсем туса ирттереççĕ, обществăн инфраструктурине аталантараççĕ.

М.КУДРЯШОВ.

Источник: "Шăмăршă хыпарĕ"