09 апреля 2019 г.
Сăн ỹкерчĕкре Шăмăршăри МСОра - механизациленĕ строительство организацийĕнче - вăй хуракан отделочниксен бригадине куратăр. Иртнĕ ĕмĕрти 80-мĕш çулсенче районти кашни ялта тенĕ пекех кирпĕчрен кермен евĕр вĕр-çĕнĕ шкул, ача сачĕ, Культура çурчĕ купалама тытăнчĕç. Каменщиксен бригади хыççăн эпир, отделочниксем, çав çуртсен стенисене шал енчен штукатурка тунă, шуратнă, сăрланă. Хăш-пĕр пỹлĕмсен урайне плитка çыпăçтарнă. Сăн ỹкерчĕк Анат Чаткасри Культура çуртĕнче шалти строительство ĕçĕсене пурнăçланă вăхăта тепĕр хут куç умне кăларса тăратать. Отделочниксен бригадирĕ - Виталий Корнилович Воробьев мастер. 1982 çул.
Л.БОРИСОВА.
Источник: "Шăмăршă хыпарĕ"