27 июля 2013 г.
«КАРЛИНСКАЯ» агрофирмăра вырма каçалăкне Александр Савельев комбайнер уçрĕ. Унăн ДОН-1500 «уй-хир карапĕ» кĕске хушăрах 30 гектар çинчи ыраша тÿреммĕн пухса çапрĕ. Хиртен йĕтем çине тырă турттараканĕ – Александр Абсалямов. Çак хушăра унăн КамАЗĕ ахаль тăмарĕ темелле. Шăрăх вĕтеленине пула, тухăç кăçал кашни гектартан 20 центнертан ытла мар.
Йĕтеме килнĕ тырра, паллах, вăхăтра тасатмалла. Ку тĕлĕшпе Владимирпа Александр Кузьминсем тăрăшуллă: сортировкăсем кăлтăксăр ĕçлеççĕ. Хуçалăх ертÿçи Владимир Абсалямов каланă тăрăх, кĕлете 30 тонна паха вăрлăх кĕртме ĕлкĕрнĕ те ĕнтĕ.
Йĕтĕм çинчи ĕçсене Людмила Кузьмина йĕркелесе пырать.
П.ПАДИАРОВ, обществăлла корреспондент.
Источник: "Шăмăршă хыпарĕ"