25 мая 2013 г.
Пăчăрлă Пашьелĕнчи пĕтĕмĕшле пĕлÿ паракан вăтам шкулта кашни çулах ачасен вĕренÿри, спортри пултарулăхне палăртас тĕлĕшпе «Çулталăкри чи лайăх вĕренекен» конкурс йĕркелеççĕ. Ку вĕренÿ çулĕнче те çак йăлана пăрахăçламан, тĕрлĕ номинацисенче пултаруллисене, пуçаруллисене чысланă.
«Чи лайăх вĕренекен – 2013» ята хальхинче 9 класра вĕренекен Алла Симурзина çĕнсе илнĕ. Ытти номинацисенче Кристина Угарина (2 класс), Анастасия Тимофеева (6 «а» класс), Александра Краснова (6 «б» класс), Ксения Матвеева (7 класс), Надежда Малеева (11 «а» класс), Александр Петров (11 «а» класс) лауреатсем пулса тăнă.
Н.УГАРИНА.