10 июня 2011 г.
«Салам, тăван ялăм!» ятпа Вĕрмер ялĕнче Ял кунĕ савăнăçлă иртнĕ.
Ял халăхне уяв ячĕпе саламлама Çырмапуç ял тăрăхĕн пуçлăхĕ Вячеслав Егоров килсе çитнĕ. Ял пурнăçне аталантарнă çĕре пысăк тўпе хывнă çынсене вăл Хисеп грамотисем парса чысланă. Ял тăрăхĕн депутачĕ тата уяв спонсорĕ Николай Михайлов та парнесемпе килнĕ. «Поддержка» страхлакан компанин специалисчĕсем хăйсен яланхи клиенчĕсене хаклă парнесем панă.
Çак уяв кунĕнче районти культура çурчĕ çумĕнчи «Цивиляночка» халăх ансамблĕ хăйсен уçă та янăравлă юррисемпе çынсен чунĕсене тыткăнланă, ташăçăсем хăйсен ăсталăхне кăтартнă, ял халăхĕ вĕсемпе пĕрле ташласа – юрласа савăннă. Уяв вăхăтĕнче пурте техĕмлĕ шўрпепе сăйланнă.
Источник: "Цивильский вестник"