25 января 2011 г.
Выльăх – чĕрлĕхе витере хупса усрамалли вăхăта мĕнле йĕркеленипе паллашас тĕллевпе район администрацийĕн пуçлăхĕ Юрий Николаевпа унăн çумĕ – ял хуçалăх управленийĕн начальникĕ Светлана Михайлова кашни кун тенĕ пекех районти хуçалăхсен выльăх – чĕрлĕх комплексĕсене тухса çӳреççĕ. Çак кунсенче вĕсем «Цивильское» акционерсен хупă пĕрлешĕвĕн, «Рассвет» ял хуçалăх кооперативĕн тата «Водолей» пĕрлешӳн фермисенче пулса курчĕç. «Водолей» пĕрлешӳре 561 пуç сысна усраççĕ, Энĕшкасси Кушкăри сĕт –çу ферминче 341 пуç выльăх усраççĕ. Вăл шутра 100 пуç ĕне. Çитес çуркунне «Водолей» пĕрлешӳре çурхи культурăсене 450 гектар çинче акма палăртнă.
Район администрацийĕн пуçлăхĕн çумĕ Светлана Михайлова районти чылай хуçалăхсенче вăрлăха тасатса кондицине лартманнине палăртрĕ, элитлă вăрлăхсем туянма сĕнчĕ.
Источник: "Цивильский вестник"