18 июня 2010 г.
Çулла хатĕрленĕ утă-улăмпа сĕтеклĕ апатсен пахалăхĕ хĕллехи тапхăрта выльăхсен продуктивлăхĕ çинче палăрать.
Районта нумай çул ÿсекен курăксемпе çарансене пурĕ 5 пин гектар çинчен çулса типĕтмелле. Паянхи куна илсен нумай çул ÿсекен курăксене 746 гектар çинче çулса пăрахнă. Пĕтĕмпе 340 тонна утă тата 400 тонна ытла сенаж хатĕрленĕ. Районти хуçалăхсенче кĕрхи культурăсем акса хăварма 2881 гектар çинче çĕр хатĕрлес ĕçсем малалла пыраççĕ. Район администрацийĕн ял хуçалăх уйрăмĕн оперативлă кăтартăвĕсем тăрăх 2010 çулхи июнĕн 17-мĕшĕ тĕлне талăкра вăтамран пĕтĕмпе 12485 килограмм сĕт суса илеççĕ. Сĕт таварлăхĕ – 80 процент. Талăкри сăвăм пĕр ĕне пуçне вăтамран 12,3 килогрампа танлашать. «Водолей», «Память Ульянова», «Коммунар», «Гвардия», «Правда» хуçалăхсенче сăвăм районти вăтам кăтартуран пысăкрах. Сĕт суса илес тĕлĕшпе «Память Ульянова» хуçалăхăн кăтартăвĕсем уйрăмах лайăх, кунта пĕр ĕне пуçне талăкра 14,5 килограмм сĕт суса илеççĕ.
Источник: "Цивильский вестник"