15 апреля 2009 г.
Çырăнтару – яваплă тапхăр. Хаçат – журнал тиражне ÿстересси редакци сотрудникĕснчен çеç мар, почтальонсенчен те килет. Вĕсем куллен тенĕ пекех кашни вулаканпа тĕл пулаççĕ, пичет кăларăмĕсене вăхăтра валеçме тăрăшаççĕ.Эсир пирĕн шанчăклă партнĕрсем пулнине, ĕçе чунтан юратса пурнăçланине 2009 çулăн 1 çурринче «Хыпарăн» тиражĕ ÿсни те аван çирĕплетет. Редакци чăвашсен тĕп хаçатне 2008 çулăн 2 çурринчен ытларах çырăнтарнă почтальонсене «Хыпар» Издательство çурчĕн Тав хучĕпе наградăлама тата премипе хавхалантарма йышăнчĕ. Çав списокра Вăрăмçутри почта уйрăмĕнче ĕçлекен, Тушмашар ялĕнче пурăнакан, Андреева Венера Анатольевна та пур. Малашне те пĕр - пĕринпе килĕштерсе ĕçлер, «Хыпарпа» унăн кăларăмĕсене ытларах çырăнтарма тăрăшăр. Çулăр такăр, сумккăр тулли пултăр.
Тав хучĕпе премие çывăх кунсенче районсенчи почта уйрăмĕсенче паратпăр.
Источник: "Хыпар"